द्रोण बास्तोला, सोलुखुम्बु । जमरकट्टेल सेवा प्रतिष्ठान नेपालकाे अगुवाइमा निर्माण हुने शिव मन्दिरकाे आज एक समाराेहका बीच शिलान्यास (जगपुजा ) भएकाे छ । मीन र वृष राशिका व्यक्तिबाट शिलान्यास गर्नुपर्ने आजको साइत अनुसार अग्रज बन्धुहरू चित्रप्रसाद जमरकट्टेल र इन्द्रप्रसाद जमरकट्टेलकाे संयुक्त बाहुलीबाट शिलान्यास भएकाे हाे ।

जमरकट्टेल बन्धुहरूकाे लगानिमा नेचासल्यान गापा ३ माझगाउँमा निर्माणहुने शिव मन्दिरकाे अनुमानित लागत झन्डै ४० लाखकाे रहेकाे र उक्त रकम भारद्वाज गाेत्रीय जमरकट्टेल बन्धुहरूबाटै जुटाइने जानकारी निर्माण समितिका अध्यक्ष मुक्ति जमरकट्टेलले दिएका छन् ।

शिलान्यास समारोहमा बटुकहरूबाट स्वस्तिवाचन तथा पुजा अर्चना हुनाका साथै रूद्री पाठ गरिएकाे छ । आजै स्व.बालकुमारी गाैतमकाे स्मृतिमा छाेरी सर्मिला गौतम जमरकट्टेलबाट रू. १० हजार १ सय २० प्रतिष्ठानलाई नगद सहयाेग प्राप्त भएकाे छ ।

उक्त कार्यक्रममा युवराज जमरकट्टेलद्वारा जेष्ठ महानुभावलाई न्यानाे टाेपी वितरण गर्नुका साथै प्रतिष्ठानकाे सदस्यता वितरण समेत गरिएकाे जानकारी प्रतिष्ठानका महासचिव देवेन्द्र जमरकट्टेलले जानकारी दिएका छन् ।