× गृहपृष्ठ समाचार मुख्य खबर राजनीति आर्थिक मनोरञ्जन खेलकुद स्थानीय अन्तर्राष्ट्रिय स्वास्थ्य शिक्षा/संस्कृति सम्पादकीय नेपाली युनिकोड
खेलकुद

बास्केटबल संघको अध्यक्षमा गुरुङ

Simrik Online

३२ श्रावण २०७८, मंगलवार

देविका ढकाल, काठमाडौं । नेपाल बास्केटबल संघको केन्द्रीय अध्यक्षमा भिम सिंह गुरुङ चयन भएका छन्। संघका अध्यक्ष लामा टेण्डि शेर्पाको पत्रका साथै नेपाल बास्केटबल संघ केन्द्रीय कमिटीको आजको निर्णयबाट गुरुङले कार्यबाहक अध्यक्षको जिम्मेवारी पाएका हुन्। उनले आजकै मितिबाट संघको कार्यबाहक अध्यक्षको जिम्मेवारी बहन गरेका छन्।

लामो समयदेखि नेपाली खेलकुद विकासको लागि काम गर्दै आएका गुरुङलाई कार्यबाहक अध्यक्षको जिम्मेवारी दिँदै अध्यक्ष शेर्पाले – “अहिलेसम्म मेरो नेतृत्वमा सहयोग गरिदिनुहुने सबैलाई हार्दिक धन्यवाद।आगामि दिनहरूमा पनि तपाइँहरुले एकताबद्धभइ बास्केटबलको विकासमा लाग्नुहुनेछ भन्ने आशा गरेको छु। संघको उपाध्यक्ष भिम सिंह गुरुङलाई कार्यबाहक अध्यक्ष दिने निर्णय गरेको छु। नयाँ नेतृत्वलाई सफलताको कामना गर्दै बास्केटबलको बिकासको लागि तपाईंहरु माझ सदैब रहनेछु।” भनेका छन्।