बाबुराम आचार्य, खोटाङ । नेपाली काङ्ग्रेस खाेटाङका उपसभापति ई.धर्मराज पाेखरेल फाेकस नेपाल काेराेना डिफेन्स अवार्डबाट सम्मानित भएका छन् ।काेराेनाकाे महामारी विश्वभर फैलिएको र नेपालमा लकडाउन भएकाे समयमा लाेक दाेहाेरी गायक समेत रहेका ईन्जिनियर पाेखरेलले समस्यामा परेका विपन्न, वेराेजगार,असहाय, वृद्ध वृद्धा, एकल महिला र, कलाकार तथा विद्यार्थीहरुलाई लाखौं मूल्य बरावरकाे खाद्यसामग्री, ग्याँस, नगद तथा स्वास्थ्य सामग्री प्रदान गरेका थिए ।

समाजसेवाकाे भावनाले जटिल विपदकाे समयमा उनले गरेको मानवीय सहयाेगले समाजमा सकरात्मक ऊर्जा प्रवाह भएको र महासङ्कटकाे सामना गर्न अतुलनीय याेगदान पुगेकाे ठहर गर्दै फाेकस नेपाल नामक संस्थाले बिहीबार प्रज्ञा भवन कमलादि काठमाडौंमा एक कार्यक्रम आयाेजना गरि पाेखरेल लगायत २० जना भन्दा बढि सहयाेगदाताहरुलाई सम्मान गरेको हाे । उनीहरुलाई कार्यक्रमका प्रमुख अतिथि सहरि विकास राज्यमन्त्री मारामविर मानन्धरले माला खादा तथा सम्मान-पत्र मार्फत सम्मान गरेका छन् ।