सिन्धुपाल्चोक । सिन्धुपाल्चोकको बाह्रबिसे नगरपालिकामा पहिरो जाँदा कम्तिमा १८ घर पुरिएका छन् । गत राति आएको पहिरोले भीरखर्क, चाङसार, नागपुच्छे र किम्बे गाउँ क्षेत्रमा क्षति पुर्याएको बताइएको छ ।

खहरे खोलामा बाढीसहित आएको पहिरोले घरहरु बगाएको इलाका प्रहरी कार्यालय बाह्रबिसेले जनाएको छ । राति करिब २–३ बजे पहिरो गएको र यसबारे थप विवरण आउन बाँकी रहेको छ ।

बाह्रबिसे नगरपालिकाका मेयर निमफुन्जो शेर्पाले वडा नम्बर ७ स्थित नागपुजे, भिरखर्क र चाङसार भन्ने स्थानमा पहिरोमा पुरिएर ९ वटा घर पूर्ण रुपमा क्षतिग्रस्त भएको र बताएका छन् ।

मेयर शेर्पाकाअनुसार पहिरोमा २०/२५ जना बेपत्ता भएको अनुमान गरिएको छ । र उद्धारका लागि नेपाली सेनाको टोली घटनास्थल पुगिसकेको छ भने नेपाल प्रहरीलगायतको उद्धार टोली पनि केही बेरमा पुग्नेछन् ।

केही वर्षयता सिन्धुपाल्चोकमा पटक–पटक गएको बाढी र पहिरो कारण ठूलो धनजनको क्षति भइरहेको छ । (दुबै तस्वीर प्रतिकात्मक हुन्)