देविका ढकाल, काठमाडौं । प्रा.डा.भागवत ढकाल वाल्मीकि विद्यापीठको क्याम्पस चिफ भएको आज ४ वर्ष पूरा भएको छ । उहाँले ४ वर्षे कार्यकालमा आफ्नो प्रयासमा साथ-सहयोग दिनुहुने सम्पूर्ण विद्यार्थी, कर्मचारी, प्राध्यापक, सुरक्षा निकाय, पत्रकार एवं सामाजिक सञ्जालका राष्ट्रिय, अन्तर्राष्ट्रिय मित्रहरुमा हार्दिक आभार प्रकट गर्नुभएको छ । यसैक्रममा डा.ढकालले “यहाँहरूको साथ सहयोग र निरन्तर सकारात्मक उत्प्रेरणाको निरन्तर अपेक्षा राख्दछु । म प्राचार्य भएपछि मैले गरेका स-सानादेखि आधारभूत आवश्यकताका कार्यका लागि विश्वविद्यालय नेतृत्व, विभिन्न संघसंगठनको नेतृत्वमा रहनुभएका साथीहरू एवं २८ नं वडा कार्यालयको साथ सहयोगप्रति म आभारी छु । मैले यी चार वर्षमा गरेका केही प्रयासहरु यसप्रकार छन्,” भन्नुएको छ ।
विद्यापीठ तर्फ :
– smart कक्ष निर्माण र संचालन,
_ शैक्षणिक भवनहरूका छाना मर्मत,
–  शैक्षणिक भवनका तीनवटा शौचालयको पुनर्निर्माण,
_ शैक्षणिक भवन र कक्षा कोठामा  विद्युतीकरण,
_ प्रशासनिक भवनको बाहिरपट्टि प्लास्टर गर्ने कार्य,
_ दुवै भवनको रङ्गरोगन,
_ विद्यापीठको ढोकामा जमेको ढलको महानगरपालिका मार्फत व्यवस्थापन,
_ वर्षौँदेखि वाल्मीकि विद्यापीठ बाहिर फोहोर फाल्ने गरिएकामा महानगरको परिषद् बैठकबाट निर्णय र कार्यान्वयन गराइ दुर्गन्धबाट मुक्ति,
_ प्राध्यापक कक्ष निर्माण गरी भौतिक संरचनाको व्यवस्था,
_  वडा कार्यालयको सहयोगमा विद्यापीठको आगनमा block ओछ्याउने कार्य, बास्केटबल ग्राउन्ड एवं पार्किङ स्थल निर्माण,
_  Helping hand नामक संस्थाको सहयोगमा खानेपानी प्लान्टको स्थापना,
_  विभिन्न ऋषि र देवदेवीहरूको तस्बिर निर्माण,
_ पौरस्त्य सँस्कृति झल्किने गरी मुख्य र पछाडिको प्रवेशद्वार(ढोका) निर्माण,
_ रात्रिकालीन सुरक्षाका लागि वडामार्फत अत्याधुनिक प्रविधिका सेन्सर बत्ती जडान,
_ पुस्तकालय व्यवस्थापनका लागि प्रशासनिक भवनको छतमा  प्राचार्य एवं प्रशासनिक कक्षहरू शौचालय र चमेनाकोठा सहितको निर्माण,
_ परिवर्तित पाठ्यक्रम अनुसारका कृति वा सन्दर्भ सामग्री उपलब्ध भए मूल ग्रन्थ र नभएकामा फोटोकपी गराइ व्यवस्थापन,
– नेसंवि. परीक्षा नियन्त्रण कार्यालयका एवं वाल्मीकि विद्यापीठका आन्तरिक र बाह्य परीक्षाहरू केन्द्राध्यक्ष भई मर्यादित र व्यवस्थित रूपमा सञ्चालन,
– केही समय कार्यकारी परिषदको सदस्यका रूपमा रहँदा विश्वविद्यालय, क्याम्पसहरू, प्राध्यापक, कर्मचारी, विद्यार्थीहरूका हकहित र पदोन्नतिमा पहल र सक्रियता,
– अनुसन्धान परिषद्को सदस्यका रूपमा विश्वविद्यालय भित्र र बाहिरका अनुसन्धानात्मक कार्यमा संलग्नता,
_ बाहिर सर्वसाधारणलाई समेत हुने गरी क्यान्टिन निर्माण गरी टेन्डरमार्फत सञ्चालन,
_ वडा कार्यालयको सहयोगमा बास्केटबल ग्राउन्ड र पार्किङ स्थलको निर्माण,
_  सरस्वती मन्दिरको निर्माण र मूर्ति अनावरण नेपाल सरकारका तात्कालिक शिक्षा विज्ञान तथा प्रविधि मन्त्रीबाट सम्पन्न,
_   गणित, तन्त्र, अङ्ग्रेजी,सर्वदर्शन (नयाँ विभाग स्थापना र व्यवस्थापन) वेद, ज्योतिष, न्याय, इतिहास पुराण, व्याकरण, साहित्य,  धर्मशास्त्र, नेपाली, अर्थ शास्त्र, बौद्ध दर्शन, राजनीति शास्त्र लगायत विभिन्न विभागहरूको भौतिक व्यवस्थान,
_ सानो हलमा कुर्सी व्यवस्थापन,
_ विद्यापीठका भित्तामा सूक्तिहरूको लेखन,
_  ३० ओटा पसल कवलहरूको डेढ वर्षदेखि व्यवस्थित हुन नसकेको भाडा सम्झौता,
_ छात्रावासमा रहेका पसलकबलको सञ्चालक ठेकेदारसँग सम्झौता,
_ ३०ओटा पसलमाथिको छतको ढलान,
_  खेलकुद मैदानको सरसफाइ,
_ पुराना रुख कटान गरी नयाँ वृक्षरोपण, गतवर्ष वनस्पति विभागसँग समन्वय गरी २०० बिरुवा विपी/पुष्पलाल स्मृति दिवसमा वृक्षरोपण गरिएको,
_  दुई दर्जनबढी सेवानिवृत्त प्राध्यापक एवं कर्मचारीको अभिनन्दन कार्यक्रम सहित बिदाइ,
_  विभिन्न विषयका दर्जन बढी online गोष्ठीहरू,
– संस्थाको प्रतिनिधित्व गर्दै सरकारी एवं गैरसरकारी कार्यक्रमहरूमा गुणात्मक सहभागिता,
– विद्यापीठका प्राध्यापक, कर्मचारी एवं विद्यार्थीका कृति विमोचन एवं प्रोत्साहन कार्यक्रम,
– विद्यापीठका संघसंगठनसँग एवं विभागीय बैठकहरू नियमित रूपमा सञ्चालन,
– सामूहिक र पारदर्शी निर्णय एवं  कानुनसम्मत कार्यान्वयन प्रक्रियाको थालनी,
_ संस्कृत सम्भाषणम् शिविर कक्षा,
– विद्यार्थीहरूमाझ सिर्जनात्मक लेखन, हाजिरीजवाफ, श्लोकान्त्यक्षरी, फुटसल लगायतका प्रतियोगिता सञ्चालन,
– विभिन्न प्रतिस्पर्धामा विद्यार्थी सहभागिता,
– भारत, बेलायत लगायतका विभिन्न विश्वविद्यालयका  प्राध्यापकदेखि कुलपति (६ ओटा विश्वविद्यालयका कुलपति)सम्मको उपस्थितिमा पटकपटक प्राज्ञिक विमर्श,
– भारतीय राजदूतावाससँगको सहकार्यमा कृति विमोचन एवं बहुभाषी कवि गोष्ठीको सहआयोजन,
_ ११ वर्षदेखि प्रकाशन हुन नसकेको वाल्मीकि विद्यापीठको मुखपत्र मर्यादा अनुसन्धानमुलक जर्नलको प्रकाशन,
_ विभिन्न विभागबाट प्रकाशित journal, नेपाल प्राध्यापक संघ ,वाल्मीकि एकाइ र केन्द्रबाट प्रकाशित अनुसन्धानात्मक पत्रिकालाई सहयोग,
– वाल्मीकि अनुसन्धान व्यवस्थापन परिषद्को गठन, सो समिति मार्फत समसामयिक जनचासोका विषयमा गोष्ठी सञ्चालन,
_ पाठ्यक्रममा जनचासो विषयमा आधादर्जन बढी सभासद एवं विभिन्न संघ संस्थाको उपस्थितिमा परिसंवाद कार्यक्रम सञ्चालन,
दुवै हलमा माइक, नेटको व्यवस्था,
छात्रावास तर्फ :
– शौचालयमा विद्युतीकरण र ढोका निर्माण,
– सम्पूर्ण छात्रावासमा रङ्गरोगन,
– खेलकुद मैदानको व्यवस्थापन र सामग्री प्रदान,
– छात्रावास अगाडिको भागमा plaster,  छाना मर्मत,
– भान्सा र हात धुने ठाउँको व्यवस्थापन,
– भर्याङ निर्माण,
– खानेपानीको व्यवस्थापन,
–  छात्रावासको नाम लेखन,
– लक्ष्मीनारायण मन्दिरको जिर्णोद्धार,
छात्रावासको आँगनमा ब्लक ओछ्याउने काम,
छात्रावासको रङ्गरोगन, प्रार्थना मन्डपको मरम्मत एवं छाउने कार्य, पाञ्चायन देवताको मन्दिर स्थापना, प्रार्थनामण्डको पुनर्निर्माण छाना निर्माण एवं चौतारो निर्माण
विविध :
– विभिन्न धार्मिक अवसरमा विद्यापीठ र छात्रावासमा  पूजाआराधना,
– योग तथा प्राकृतिक चिकित्सा प्रशिक्षण कार्यक्रमका विद्यार्थी एवं कर्मकाण्डका विद्यार्थीलाई प्रयोगात्मक परीक्षा,
– कोरोना कालमा रोटरी क्लब मार्फत प्राप्त मास्क विद्यार्थी, कर्मचारी र प्राध्यापकहरूलाई वितरण…
– विद्यार्थीहरूसँगको सहकार्यमा रक्तदान एवं स्वास्थ्य शिविर सञ्चालन,
– हालसम्मकै उच्च संख्यामा शास्त्री र प्राक्शास्त्रीमा विद्यार्थी भर्ना एवं नियमित कक्षा सञ्चालन,
– कर्मचारी, विद्यार्थी एवं प्राध्यापकहरू र परिवारजनको सुखदुःखमा सामूहिक रूपमा  उपस्थित हुने पद्धतिको सुरुवात,
– विद्यापीठमा समाजका विभिन्न क्षेत्रका व्यक्तित्वहरू एवं पूर्व विद्यार्थीहरूको अवलोकन भ्रमण,
* स्वास्थ्य शिविरको सञ्चालन र औषधि वितरण वाल्मीकि विद्यापीठमा,
* महिलाहरू प्राध्यापक र कर्मचारीका लागि पाठेघरको मुखको क्यान्सर सम्बन्धी निःशुल्क परीक्षण र प्रयोगशाला सेवा डाक्टर सरिता घिमिरे मार्फत,
* प्राज्ञिक लेखन प्रशिक्षण कार्यक्रम,
* संस्कृत सम्भाषण कक्षा सञ्चालन,
* पुस्तक र पुस्तकालय संरक्षणका लागि हम्बर्ग विश्वविद्यालयसँग समन्वय गरी पुस्तकलाई डिजिटलाइजेसन गर्ने योजना दिलिप भट्टराईसँगको समन्वयमा,
* योग तथा प्राकृतिक चिकित्साको पूर्वीय पद्धति र चिनिया उपचार पद्धति सम्बन्धी चिनिया डाक्टरहरूसँगको अन्तरक्रिया कार्यक्रम,
* संस्कृत छात्रावासका विद्यार्थीहरूलाई कृषि कार्यसँग जोड्ने कार्यको थालनी वडासँगको समन्वयमा,
* पुस्तकालय व्यवस्थापन सम्बन्धी तीन महिने तालिमका लागि वाल्मीकिको स्थान उपलब्ध गराई पुस्तकालयका तीनजना कर्मचारीलाई तालिमको व्यवस्था,
* विश्वविद्यालय अनुदान आयोग र ज्योतिष विभागको समन्वयमा ज्योतिष शिक्षणमा प्रविधिको प्रयोग र शिक्षण सामग्रीको उपयोग विषयक दुई दिवसीय कार्यशाला  गोष्ठी वाल्मीकि विद्यापीठमा  सम्पन्न,
* वनस्पति विभागसँग निःशुल्क बिरुवाहरू माग गरी ३०० बढी बिरुवा रोप्ने कार्य ,
* परियोजना, प्रतिवेदन, शोध लगायत प्राज्ञिक लेखनसिप विकासका लागि  डा.देवी नेपाल डा.नुरापतिपोखरेल र डा.मोहनराज गौलीद्वारा प्रशिक्षण कार्यक्रम आयोजना,
* वेदमा नारीको स्थान विषयक अन्तरक्रिया कार्यक्रम वेद विभाग र अनुसन्धान व्यवस्थापन एकाइको समन्वयमा सम्पन्न,
* भानु जयन्तीमा वेदान्त विभागको समेत सहयोगमा भानुभक्तीय रचनामा वेदान्त विषयक प्रवचन र कवि गोष्ठी सम्पन्न,
* मोती जयन्तीमा प्रतियोगितात्मक कविता लेखन वाचन र मोतीसम्बन्धी प्रवचन श्रृङ्खला सञ्चालन,
* अनुसन्धान व्यवस्थापन समितिको समन्वयमा मानव जीवनमा ज्योतिषीय फलादेशको महत्त्व विषयक अन्तरक्रिया कार्यक्रम सञ्चालन,
* अनुसन्धान व्यवस्थापन समितिको समन्वयमा शिखर सूत्रको महत्व विषयक गोष्ठी सञ्चालन,
* वाल्मीकि विद्यापीठमा वडा कार्यालयको सहयोगमा डिजिटल बोर्डको व्यवस्थापन र सञ्चालन,
* दुर्गा सप्तशती एवं चामुण्डा साधना विषयक डाक्टर माधवप्रसाद लामिछानेद्वारा प्रवचन कार्यक्रम सम्पन्न ,
* वडा कार्यालय मार्फत छात्रावास एवं वाल्मीकि विद्यापीठमा फोहोर सङ्कलनका लागि डस्टबिनको व्यवस्थापन,
* वैकल्पिक ऊर्जा प्रवर्धन केन्द्रसँगको समन्वयमा विद्यार्थीहरूलाई विद्युतीय चुलो वितरण,
* तुलसी पूजन र हवन
* तीनधारा संस्कृत छात्रावासमा वडा कार्यालयको समन्वयमा पाञ्चायन देवताको मन्दिर र चौतारो निर्माण, छात्रावासको भित्री प्राङ्गणमा ब्लक ओछ्याउने कार्य एवं प्रार्थनामण्डप पुनर्निर्माण र छाना छाउने कार्य,
* ज्योतिष विषयको  न्यून शुल्क लिएर अतिरिक्त कक्षा सञ्चालन,
* न्याय विभागको समन्वयमा नेपाल संस्कृत विश्वविद्यालय स्थापनाको पूर्वसन्ध्यामा पूर्व उपकुलपति प्राध्यापक शिवहरि मरहट्ठाद्वारा व्याख्यान प्रस्तुत,
* कर्मकाण्ड प्रशिक्षण कार्यक्रमका विद्यार्थीका लागि प्रयोगात्मक कक्षाका रूपमा पशुपतिनाथ मन्दिर परिसरमा रुद्राभिषेक कार्यक्रम सञ्चालन,
* प्रतिभावान विद्यार्थीद्वय तपन भट्टराई र रुद्राक्ष पौडेलद्वारा अद्वैत दर्शन, वेदान्त चर्चा विषयक प्रस्तुतिको आयोजन,
* प्रा.डा पुरुषोत्तम श्रेष्ठ, प्रा.डा थानेश्वर  तिमल्सिना, डाक्टर माधवप्रसाद लामिछानेद्वारा तन्त्र विषयक कार्यपत्र प्रस्तुति एवं गोष्ठी सञ्चालन,
* डा.दिनेश पोखरेल र सहप्रा, नमिता पोखरेल (भरोसा अस्पताल नयाँ बानेश्वर) एवं बालकृष्ण भण्डारीको समेत सहयोगमा छात्रावास र विद्यापीठमा प्राथमिक स्वास्थ्य सामग्री संकलन र सञ्चालन,
* योग तथा प्राकृतिक चिकित्साका विद्यार्थीहरूका लागि अमृत भोजन निर्माणसम्बन्धी प्रयोगात्मक कक्षा सञ्चालन,
* वाल्मीकि विद्यापीठ एवं तीनधारा संस्कृत छात्रावासका प्राध्यापक कर्मचारीहरूको सेवा निवृत्त समयमा सम्मान सहित विदाई समारोहको पटकपटक आयोजन,
* सरस्वती पूजा, रामनवमी, शिवरात्री, ऋषि तर्पणी लगायतका चाडपर्वहरूमा छात्रावास एवं विद्यापीठमा पूजा अर्चना रुद्राभिषेक आदि कार्यको सञ्चालन,
* ओटावा विश्वविद्यालय क्यानडाका प्राध्यापक भानुभक्त आचार्यबाट पूर्वीय दर्शनमा सञ्चार विषयक कार्यपत्र प्रस्तुति वासुदेवकृष्ण स्त्री, डा.रत्नावली शर्माबाट विशेष प्रस्तुति,
* सीता जयन्तीको अवसरमा पाठ्यक्रममा आधारित प्रतिमा नाटकको विद्यापीठका विद्यार्थीहरूद्वारा अभिनयमूलक मञ्चनको आयोजन,
* वाल्मीकि विद्यापीठका प्रथम प्राचार्य पण्डितराज सोमनाथ सिग्देल २००८ देखि हालसम्मका प्राचार्यहरू २७ जनाको फोटो संकलन गरी प्राचार्य कक्षमा तस्वीर अनावरण,
* तीनधारा संस्कृत छात्रवास एवं वाल्मीकि विद्यापीठका पुराना धरोहरहरूको नित्यनिरन्तर मर्मत सम्भार एवं व्यवस्थापन,
* easy tax institute र वाल्मीकि विद्यापीठको समन्वयमा छ दिने पब्लिक स्पिकिङ तालिमको विद्यार्थीहरूलाई आयोजना,
* स्वामी ब्रह्मानन्द सरस्वती महाराजको प्रमुख अतिथ्यमा आत्मज्ञानको सैद्धान्तिक आधार विषयक अन्तरक्रिया कार्यक्रम चेतमणि न्यौपानेद्वारा आधारपत्र प्रस्तुतको व्यवस्थापन,
* जलवायु परिवर्तन त्यसको कारण प्रभाव न्यूनीकरण एवं अनुकूलन गोष्ठी सहसचिव जगतबहादुर बोगटीको सहयोगमा सञ्चालन,
* योग तथा प्राकृतिक चिकित्साका विद्यार्थी डा राजेन्द्र प्रधानद्वारा सूचना पाटी र सेतोपाटीहरू विद्यापीठलाई प्रदान,
* संस्कृत वाङ्मय सम्बद्ध राष्ट्रिय अभिलेखालयबाट प्रकाशित पुस्तकहरू वाल्मीकि पुस्तकालयका लागि माग गरी मनिता न्यौपाने मार्फत पुस्तकालयलाई प्रदान,
* प्राक्शास्त्रीमा आउने विद्यार्थीहरूलाई विषयगत अलमल हुने हुँदा विभिन्न विधाका विज्ञहरूद्वारा विषयको महत्तासम्बन्धी प्रशिक्षण कार्यक्रम सञ्चालन,
* बुढानीलकण्ठ मन्दिर एवं आश्रमका मठाधीश १००८ स्वामी निगमानन्द सरस्वतीको प्रमुख आतिथ्यमा विद्यापीठमा रुद्राभिषेक, हवन आदि कार्य सम्पन्न,
* प्रविधिमैत्री विभागहरू निर्माण गर्दै लाने नीतिअनुरूप व्याकरण, गणित, योग, ज्योतिष ,नेपाली, वेदान्त, तन्त्र, न्याय लगायत विभागहरूमा कम्प्युटर  प्रदान,
* अन्तर विश्वविद्यालय टेबल टेनिस प्रतियोगितामा एकलतर्फ स्वर्ण र संयुक्ततर्फ रजत जित्न सफल विद्यार्थी गणंञ्जय दाहाल र विदुर खतिवडालाई सम्मान कार्यक्रम,
* विद्यार्थीको माग बमोजिम शुद्ध साकाहारी भोजनालयको स्थापना र सञ्चालन,
* राष्ट्रिय वाणिज्य बैंकको समन्वयमा सो बैंकद्वारा प्रदत्त एक थान प्रिन्टर विद्यापीठका लागि उपहार स्वरूप ग्रहण,
* मण्डला फ्युचर सोसाइटी र फ्युचर भिजनसँग समन्वय गरी संस्कृत गोष्ठी सञ्चालन,
* अनुसन्धान व्यवस्थापन एकाइको समन्वयमा श्री स्वस्थानी व्रतकथाको परम्परा प्रभाव र महत्त्व विषयक गोष्ठी सञ्चालन,
* अनुसन्धान व्यवस्थापन एकाइको समन्वयमा पार्वण श्राद्ध परिचर्चा विषयक गोष्ठी सञ्चालन,
* पूर्व उपरथी आनन्द  अधिकारीद्वारा वैदिक  विज्ञान र मन्त्रको महत्त्व विषयक कार्यपत्र प्रस्तुति एवं गोष्ठी सञ्चालन,
* शिक्षाध्यक्षज्यूको प्रमुख आतिथ्यमा शास्त्री तहमा उत्कृष्ट विद्यार्थीहरूलाई पुरस्कार वितरण,
* संस्कृत दिवसका उपलक्ष्यमा भारतीय राजदूतावाससँगको सहकार्य एवं अनुसन्धान व्यवस्थापन एकाइको समन्वयमा दुई दिवसीय गोष्ठी पुतली सडकको ग्रिनलिफ क्याफेमा सञ्चालन,
* अक्सफोर्ड स्टडीज सेन्टरका प्राध्यापक गेविन फ्लुडद्वारा तान्त्रिक बढी विषयक अन्तरक्रिया कार्यक्रम सञ्चालन,
* वाल्मीकि विद्यापीठका महिला प्राध्यापक एवं कर्मचारीहरूका लागि तीज विशेष कार्यक्रम सञ्चालन,
* माननीय संस्कृति तथा पर्यटन मन्त्री बद्री पाण्डेको प्रमुख आतिथ्य एवं विश्वविद्यालयका कुल सचिवको विशिष्ट आतिथ्यमा  तीनधारा छात्रावासमा रक्षाबन्धन एवं ऋषि तर्पणी कार्यक्रम सम्पन्न,
* अक्सफोर्ड विश्वविद्यालयका प्राध्यापक गेविन फ्लुडद्वारा A concept of mind in हिन्दूतन्त्र  विषयक परिचर्चाका लागि गोष्ठीको सञ्चालन,
*  matrika and Malini in Kashmiri saivism विषयक USA का professor
Jhorge robot bracelet द्वारा प्रस्तुत गरिने कार्यपत्रको संयोजन एवं सञ्चालन,
* न्याय विभागको आयोजनामा गुरु अभिनन्दन एवं सम्मान कार्यक्रम प्रा.डा.वासुदेव त्रिपाठी, प्रा.डा.दिर्घराज घिमिरे, प्रा.डा.विद्यानाथ उपाध्याय, प्रा.डा.शिवहरि मरहठ्ठा सम्मान कार्यक्रम सञ्चालन,
* Balmeekicampus.edu.np website को प्रारम्भ,
* वडा कार्यालयको सहयोगमा वाल्मीकि विद्यापीठको अग्रभागमा बगैँचा निर्माण गरी दुबोरोपण एवं साजसज्जा,
* लखनउ विश्वविद्यालयकी प्राध्यापक डाक्टर रिता तिवारीको प्रमुख प्रशिक्ष्यकत्वमा साताव्यापी संस्कृत सम्भाषण शिविर कक्षा सञ्चालन,
* गुरु घिमिरेको प्रमुख अतिथ्यमा नेपाली र संस्कृत कवितावाचन प्रतियोगिता सम्पन्न,
* नेपाल टेलिकम सँगको समन्वयमा सो संस्थाद्वारा एक थान इन्टरनेट सामग्रीसहित निःशुल्क जडानको व्यवस्थापन,
* नवनियुक्त उपप्राध्यापकहरूको एवं पदोन्नत प्राध्यापकहरूको सम्मान कार्यक्रम,
* अनुसन्धान व्यवस्थापन एकाइको समन्वयमा अंग्रेजी विभागका प्राध्यापक डा.मोहनराज गौलीद्वारा महाकवि कालिदासकृत मेघदूतमा उदात्त भावको महत्व विषयक अन्तरक्रिया कार्यक्रम प्रा.डा.कृष्णचन्द्र भण्डारीको उपस्थितिमा सम्पन्न ।