सोलुखुम्बु । नेपाल कम्युनिस्ट पार्टी (नेकपा) एमालेको  जिल्ला कमिटी सोलुखुम्बुको ८औं अधिबेशनबाट अध्यक्ष पदमा डुफकुमार बास्तोला निर्वाचित हुनुभएको छ । आइतबार बिहान सम्पन्न मतगणनामा प्रतिस्पर्धी हर्कबहादुर राईलाई १५२ मत अन्तरले पराजित गर्दै बास्तोला अध्यक्षमा निर्वाचित हुनुभएको हो ।बास्तोलाले २७७ र राईले १२५ मत प्राप्त गर्नुभएको निर्वाचन समितिले जनाएको छ। बास्तोला ७ औं जिल्ला अधिबेशनबाट पनि नेकपा एमाले सोलुखुम्बुको अध्यक्षमा सर्वसम्मत निर्वाचित हुनुभएको थियो।

यस्तै उपाध्यक्षमा आसकुमार राई (शिशिर) २७७ मतसहित निर्वाचित हुनुभएको छ । सचिवमा कल्पना राई २५९ मतसहित विजयी हुनुभएको निर्वाचन समितिले जनाएको छ । यस्तै उपसचिवमा मिङ्माछिरी शेर्पा १६९ र मोहनकुमारी कार्की १७० मतसहित निर्वाचित हुनुभएको छ ।
उपाध्यक्षमा निर्वाचित शिशिर निवर्तमान सचिव, सचिवमा निर्वाचित राई सचिवालय सदस्य, उपसचिवमा निर्वाचित शेर्पा उपसचिव र महिला उपसचिव कार्की सचिवालय सदस्य हुनुहुन्थ्यो । निर्वाचनमा ४२० जनाले मतदान गरेको जनाइएको छ ।