सोलुखुम्बु । नेचासल्यान गाउँपालिकाको प्रशासकीय भवनको उद्धघाटन गरिएको छ । गाउँपालिकाको साढे ३ तले सुविधा सम्पन्न प्रशासनिक भवन राष्ट्रपतिद्धारा आज उद्धघाटन गरिएको हो ।  गत आर्थिक वर्ष २०८०/८१ को वैशाखमा सम्झौता गरी जेठ १६ बाट सुरु गरेको भवनको निर्माण कार्य २०८१ माघमा सम्पन्न भइ निर्माण कम्पनी आरोन ओम बालाजी ईआर रामेछापले गाउँपालिकालाई चाबी हस्तान्तरण गरेको थियो ।
नेचासल्यान गाउँपालिकाको ४० प्रतिशत र संघीय सरकारको ६० प्रतिशत बजेटको लागत साझेदारीमा भवनको निर्माण गरिएको गाउँपालिका अध्यक्ष धनजन राईले जानकारी दिनुभयो ।
उद्धघाटन कार्यक्रमलाई सम्बोधन गर्दै राष्ट्रपति रामचन्द्र पौडेलले नेपाली जनतालाई आफूले बनाएको संविधान बाहिरका कुनै पनि निरंकुशता र अराजकता स्वीकार्य नहुने बताउनुभएको छ । सोलुखुम्बुको नेचासल्यान गाउँपालिकाको नवनिर्मित प्रशासकीय भवन उद्घघाटन समारोहलाई सम्बोधन गर्दै राष्ट्रपति पौडेलले यस्तो बताउनुभएको हो । संघीय लोकतान्त्रिक गणतन्त्र रैती दुनियाँबाट सार्वभौम नागरिक हुन नेपाली जनताले रगतसँग साटेको उपलब्धी भएको भन्दै शासनमा बसेर खराब गर्नेलाई दण्डित गर्ने अधिकार नागरिकलाई यही व्यवस्थाले दिएको उहाले बताउनुभयो। संघीय लोकतान्त्रिक गणतन्त्रमा हरेक नागरिक आफ्नो सार्वभौमसत्ताको आफैं मालिक हुने व्यवस्था भएको बताउनुभयो ।
राष्ट्रपति पौडेलले  नेचासल्यान क्षेत्रमा सभामुख हुँदा पैदल यात्रा गर्दै यस ठाँउमा र पूर्वी पहाडका डाँडाकाँडा पुगेको र जनतासँग साक्षात्कार गरेको स्मरण गर्नुभयो। उहाँले भावविह्वल हुँदै नजिकै रहेको टिम्बुरबोटेको ओडारमा रूझ्दै र भिज्दै पुगेको बताउनुभयो । राष्ट्रपति पौडेलले देशको युवा जनशक्ति विदेश पलायन हुने प्रवृत्ति रोक्न जरुरी रहेको उल्लेख गर्दै यसका लागि उचित शिक्षा, स्वास्थ्यको प्रवन्ध, उद्योगधन्दाको विकास, उत्पादनमा बृद्धि, चुस्तदुरुस्त सेवा प्रवाह, गाउँमै रोजगारी र आम्दानीको व्यवस्थाको लागि जनता केन्द्रित नीति तथा कार्यक्रम र बजेट तर्जुमा गर्नुपर्ने  बताउनुभयो । उहाँले विगतमा भएका कमजोरीबाट पाठ सिकेर अघि बढ्दै समृद्ध राष्ट्र निर्माणको अभियानमा जुट्न म सम्बद्ध सबैमा अपिल पनि गर्नुभयो ।
राष्ट्रपति पौडेलले संघीयता कार्यान्वयनका लागि तीन तहको सरकार मुलुकमा क्रियाशील भएको भन्दै जनताको ठूलो संघर्ष, त्याग र बलिदानले हामीले प्राप्त गरेको संघीय  लोकतान्त्रिक गणतन्त्रले सिंहदरबारको अधिकार गाउँ गाउँमा पुर्याएको बताउनुभयो । उहाँले कृषि, जलस्रोत पर्यटन, पूर्वाधार र उद्योगधन्दाको विस्तार नै मुलुक विकासको आधार भएको बताउँदै यही भूगोलको सोलु र दूधकोशी नदीक्षेत्रमा निर्माणधीन साना ठूला जलविद्युत आयोजनाबाट मुलुकको आर्थिक विकासमा योगदान पुग्नेमा आँफू विश्वस्त भएको बताउनुभयो राष्ट्रपति पौडेलले राजधानी र मधेशबाट सर्वोच्च शिखर सगरमाथाको काख अब धेरै टाढा नभएको देख्दा आफू अत्यन्तै खुशी भएको भन्दै अपर सगरमाथा मार्ग निर्माणका लागि भएका पहल र आफूले गरेको संघषको स्मरण गर्नुभयो । राष्ट्रपति पौडेलले सगरमाथाको काँख मात्र नभई डोल्पाको दुनै देखि पूर्वी पहाडमा समेत सडक पुगेको बताउनुभयो ।
राष्ट्रपति पौडेलले देशको युवा जनशक्ति विदेश पलायन हुने प्रवृत्ति रोक्न जरुरी रहेको उल्लेख गर्दै यसका लागि उचित शिक्षा, स्वास्थ्यको प्रबन्ध, उद्योगधन्दाको विकास, उत्पादनमा वृद्धि, चुस्तदुरुस्त सेवा प्रवाह, गाउँमै रोजगारी र आम्दानीको व्यवस्थाका लागि नागरिक केन्द्रित नीति तथा कार्यक्रम र बजेट तर्जुमा गर्नुपर्ने बताउनुभयो । उहाँले विगतमा भएका कमजोरीबाट पाठ सिकेर अघि बढ्दै समृद्ध राष्ट्र निर्माणको अभियानमा जुट्न सम्बद्ध सबैलाई आग्रह गर्नुभयो ।
यस्तै कार्यक्रमलाई सम्बोधन गदै नेपाल सरकारका रक्षामन्त्री मानविर राईले एसेलुखर्कसँग जोडेर सगरमाथालाइ चक्रपथको रुपमा विकास गरेर तिनै जिल्लाको जनतालाइ विकासको अनुभुति दिलाउन आवश्यक रहेको बताउनुभयो । बर्खुघाटमा गएको बर्ष ८० लाख मोटेरेबल पुलको लागि परेकोे थियो । त्यसले केहि काम सुरुवात भएको उहाको भनाइ रहेको छ । सगरमाथा स्वर्णसडक हुदै नेचासल्यान पच्चन लगायत नेचासल्यान गाउँपालिका लगायतलाई धेरै घुम्ती भएर तिङला हुदै काठमाडोै आउनुपर्न कुरालाइ अन्त्य गर्न खोजेको बताउनुभएको छ ।
यस्तै शुभकामना मन्तब्य राख्दै पुर्वमन्त्री बलबहादुर केसीले यो गाउँपालिकको भबन छिटो छरितो बनेको र यसबाट आफू खुसी भएको बताउनुभयो ।
पार्किङ सहितको साढे ३ तले सुविधा सम्पन्न प्रशासनिक भवन निर्माण गरिएको र अब प्रशासनिक सेवा प्रवाहमा सहजता हुने गाउँपालिका उपाध्यक्ष बिना राईले बताउनुभयो ।  यस्तै उपाध्यक्ष राईले लामो प्रयास पश्चात  गाउँपालिका केन्द्रको टुंगो र भवन निर्माण गर्न सफल भएको  बताउनुभएको छ ।