काठमाडौं । नेपाल कम्युनिष्ट पार्टी (नेकपा) को सचिवालय बैठक दिउँसो ३ बजेका बस्ने भएको छ । बिहान ११ बस्ने पूर्वनिर्धारित बैठकलाई आजै दिउँसो सारिएको हो । बैठकको केही तयारी पूरा नभएकोले बैठक दिउँसोका लागि सारिएको बालुवाटार स्रोतले जनाएको छ ।
पूर्वनिर्धारित बैठक तालिकामा सामान्य फेरबदल भएको बताइएको छ । यसअघि गत शनिबार भदौ १३ गतेका लागि सचिवालय बैठक निर्धारण गरिएको थियो ।
सचिवालयका नेताहरूको सहयोगीलाई कोरोना सङ्क्रमण देखिएकोले नेताहरू होम आइसोलेसनमा बस्नुपरेको भन्दै आज १८ गतेका लागि बैठक सारिएको थियो ।
आजको बैठकमा कार्यदलले बुझाएको प्रतिवेदनमाथि केन्द्रित भएर छलफल हुने बताइएको छ । यसअघि दुई अध्यक्ष केपी शर्मा अ‍ोली र पुष्पकमल दाहाल ‘प्रचण्ड’ का बीचमा बुधबार साँझ बालुवाटारमा बैठकको तयारी बारेमा छलफल भएको थियो ।